بعد اذنك ثانيتين

اعرف بس انتى مين

فاكرة صوتك من سنين

بس خايفة اغلط ف مين

شايفة حبة سكات مزوق

جوة صوتك مرتاحين

شايفة خوف بيدارى اسمه

عن عيون الموجودين

شايفة كلمة ضايعة منك

نسياها فيكى الشفتين

شايفة قلبى جنب قلبك

نفسه يفرحلوا يومين

بس خايف اوام ياخدنا

ويسرق فينا حبة حنين

فاضل ايه غير الكلام

اللى قولناه مش ضنين

يعلى يعلى وفجأة يسكت

زى موجة ف بحر صوتك

تيجى فجأة وهوب ترجع

واخدة رملى واخدة فرحى

واخدة حتى صوت الأنين

عارفة ضيك ؟ شايفة شمسك

خايفة آخرك تبقى عامية

كفيفة معصوبة العينين

  انتى مين ؟!


عبير العوضى