ميت من جواك وبتكابر
بتقول انا كويس بس مش قادر
جايب ومودى والشراع مكسور
بحلم على قدى بس مقطوع النور
كل أما أفكر فيك تزيد همومى هموم
شايف الحزن ماليك
مربوط فيك بالكوم
مغرقك قاتلك وفى الأمل موهوم
هربوه منك من بعد لامئة لوم
يا سيدى قوم وإسمع ندا الشروق جواك
وصبح على شمسك تسعد حياتنا معاك
خلى حقيقتك هى كيانك
بحر النور مفتوح قدامك
بص لبعده تلاقى الشط
ارسى فى مرساه من غير ضغط
ودى مشاعرك ليه تستقبل
بكره الأجمل حب وفرح
كمم جرحك موت فيه
إحلم حلم وعيش يومى بيه
كل الدنيا هتقول سمعا
طاعة لحلم بان فى عنيك
ليست هناك تعليقات:
إرسال تعليق