لساك يا قلبى
لساك يا قلبى خايف
من الشعلقة فى الحبال
لساك خايف من السيرك
لا تبقى فيه بهلوان
تتنطط من هنا لهنا
وتضحك وتبكى بزيف
ترسم بسمة بدمعة
وكآبه زيف أو غيظ
خايف تكون كداب
من برة وجواك لأ
فارد قلوع القوة
وقلبك شايل ضعف
كاتب مشاعر بالوشوش
وإتلونت بمليون لون
ولسة البليتة لافضت
ولا خلص عرض النجوم
نجوم بتبهر من برة
بس أصلها كوكب
لا بتضوى نور ولا بتحرق
دا زيف وبردوا متركب
شايف حقيقتك ومصدق
كدب القلوب حواليك
لا تبكى بقى ولا تغرق
مانت اللى عامى عينيك
شيل الغمامة من وشك
وبص لبداية الطريق
إعرف حقيقة اللى سرقك
وإعرف يا قلبى إنت مين
ليست هناك تعليقات:
إرسال تعليق